Хөвсгөл аймагт өвлийн аялал жуулчлалыг хөгжүүлэх зорилгоор жил бүр зохион байгуулдаг "Хөх сувд" мөсний баяр Хөвсгөл нуурын эрэг, Хүй Толгойн урд Хайчийн аманд толин цэнхэр нууранд өнгөрсөн амралтын өдрүүдэд болж өндөрлөсөн.
Үүний дараа Хөвсгөлийн Улсын Тусгай Хамгаалалттай Газрын Хамгаалалтын Захиргааны 15 албан хаагч, Хатгал тосгоны Захирагчийн ажлын албаны 11 албан хаагч, Хөвсгөл нуур-Эгийн голын сав газрын захиргааны 5 албан хаагч, Морин чарганы холбоо, уяачдын холбооны гишүүд, бэлэг дурсгалын худалдаа эрхлэгч нар хамтран "Хөх сувд 2023" мөсний баярын талбай, Сүхбаатар хөлөг онгоцны зогсоол зэрэг газруудад их цэвэрлэгээ зохион байгуулжээ.
