XVII жарны "Үзэсгэлэнт болгогч" хэмээх харагчин туулай жилийн босгон дээр Говь-Алтай аймгаас хоёр малчин Улсын хошой аварга малчнаар тодорлоо. Хоёрдугаар сарын 8-ны Засгийн газрын шийдвэрээр Говь-Алтай аймгаас Улсын хошой аварга малчин-2, улсын аварга малчин-8, улсын аварга тариаланч-1 тодорлоо. Тодруулбал,
1. “Улсын аварга малчин”-аар:
-Баян-Уул сумын Чандмань хайрхан багийн малчин Дэндэвийн Мөнх,
-Халиун сумын Гүү бариач багийн малчин Гэсэрийн Орoсоо,
-Цээл сумын Бүрэнжаргалан багийн малчин Охины Батаа,
-Бугат сумын Биж багийн малчин Ногооны Нанжид,
-Чандмань сумын Өлзийт багийн малчин Чилхаагийн Довчин,
-Хөхморьт сумын Завхан гол багийн малчин Санжжавын Даваажав,
-Дэлгэр сумын Баян буурал багийн малчин Наранцэцэгийн Сүрэнхорол,
-Шарга сумын Сундуулт багийн малчин Пэрэнлэйн Ганбаатар нар шалгарсан байна.
Харин “Улсын хошой аварга малчин”-аар: Тонхил сумын Тамч багийн малчин Жамъяашаравын Лоохууз, Чандмань сумын Өлзийбулаг багийн малчин Цагаачийн Батбямбаа нар шалгарсан бол “Улсын аварга тариаланч”-аар: Бугат сумын иргэн Мухарын Нямсүрэн нар тодорлоо.
