Халдварт өвчин судлалын үндэсний төвөөс гаргасан 2026 оны дөрөвдүгээр сарын 11-ний мэдээллээр Улаанбурхан өвчний батлагдсан тохиолдол  10 нэмэгджээ. Одоогийн байдлаар эмнэлэгт 45 хүн хэвтэн эмчлүүлж байгаа.Гэрийн хяналтад 10 хүн байна.

Тухайлбал, нийслэлд 21 хүн, хөдөө орон нутагт 24 хүн хэвтэн эмчлүүлж байгаа аж. Насны бүлгээр өвчлөл хамгийн өндөр байгаа нь 10-14 насны хүүхдүүд бөгөөд тэдний өвчлөл 5270 хүрсэн байна. Мөн 0-4 насны 3611, 5-9 насны 1865 хүүхэд, 15-19 насны 1797 хүүхэд Улаанбурханаар өвджээ.

Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Улаанбурхан өвчний эсрэг вакцинд хамрагдсан тухай мэдээллээ өрх, сумын эрүүл мэндийн төвдөө очин цахим бүртгэлийн программд бүртгүүлээрэй.

Хэрвээ Улаанбурханы эсрэг вакцинд хамрагдаагүй хоцорсон бол хамрагдан өөрийгөө болон бусдыг Улаанбурхан өвчнөөс хамгаалаарай.

Өвчлөлийг насны бүлгээр авч үзвэл,

Тэгвэл биеийн байдлын тухайд нийслэлд дунд найман хүн байгаа бол хүнд нэг хүн байна. Харин орон нутагт биеийн байдал дунд найман хүн, хүнд хоёр хүн тус тус эмчлүүлж байгаа ажээ.

Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Улаанбурхан өвчний эсрэг вакцинд хамрагдсан тухай мэдээллээ өрх, сумын эрүүл мэндийн төвдөө очин цахим бүртгэлийн програмд бүртгүүлээрэй. Хэрвээ улаанбурханы эсрэг вакцинд хамрагдаагүй хоцорсон бол хамрагдан өөрийгөө болон бусдыг улаанбурхан өвчнөөс хамгаалахын Халдварт өвчин судлалын үндэсний төвөөс анхааруулав.

Иргэд тодруулж, лавлах зүйл байвал 100,119, 72224444 утсанд хандан зөвлөгөө, мэдээлэл авч болно.

Нэгдсэн эмнэлгийн яаралтай тусламжийн тасгаар энэ сарын 19-25-нд 743 хүүхэд үйлчлүүлсэн гэнэ. Харин сурагчдын амралт эхэлсэнтэй холбоотойгоор сүүлийн долоо хоногт ачаалал буурч, өдөрт 20-30 хүүхэд тусламж, үйлчилгээ авч буйг хэлсэн. Хүүхдийн 100 ортой бөгөөд өчигдрийн байдлаар 98 хүүхэд хэвтэн эмчлүүлж байв. Өнгөрсөн онд тус эмнэлгийнхэн 400 мэс засал хийсэн бол өнөө жил хагалгааны тоогоо нэмэгдүүлж, сард 65-80-ыг хийж буй аж. Мөн ирэх жилээс тусламж, үйлчилгээний нэр, төрлөө олшруулан, гэмтлийн яаралтай болон төлөвлөгөөт, дурангийн хагалгаа, чих, хамар, хоолой, урологийн мэс засал нэвтрүүлэхээр шаардлагатай тоног төхөөрөмж, хүний нөөцөө бэлд­жээ.

О.Оргилох

https://www.unuudur.mn/a/279338

Томуу, томуу төст өвчнөөс урдчилан сэргийлэх, өвчний тархалт нэмэгдэхээс сэргийлэх арга хэмжээ авч, эрүүл мэндийн байгууллагуудыг уртасгасан цагаар ажиллуулах арга хэмжээг зохион байгуулж, шаардлагатай урвалж оношлуураар хангаж ажиллахыг Эрүүл мэндийн сайд Ж.Чинбүрэнд даалгалаа.

Монгол Улсын хэмжээнд тархвар судлалын 47 дугаар долоо хоногт томуу, томуу төст өвчний тархалт “Улсын хэмжээний дэгдэлт”-ийн түвшинд хүрч 10,000 хүн амд 96.7 байна.

Томуу, томуу төст өвчнөөр өвчлөгсдийн 82.6 хувийг 15 хүртэлх насны хүүхэд, амьсгалын замын цочмог хүнд халдварын улмаас эмнэлэгт хэвтэн эмчлүүлж буй хүүхдийн 63.2 хувийг 0-5 насны хүүхэд эзэлж байна. Сүүлийн долоо хоногт А(H3N2) вирус дэгдэлт 32.5 хувиар нэмэгджээ.

ХӨСҮТ-ийн вирус судлалын лабораторид томуугийн А(H3N2) вирусийн бүрэн геномийн дараалал тогтоох шинжилгээ хийхэд Англи болон Япон улсад тодорхойлогдож байгаа A(H3N2) subclade K дэд хэв шинжтэй ижил байна. Цаашид нэмэгдэх хандлагатай, хүүхдүүд болон ахмад настнууд илүү өртөж, эмнэлгийн ачаалал нэмэгдэх төлөвтэй байна.

Нийслэлийн хэмжээнд 18 эмнэлэг, эмнэлгийн байгууллагын 2052 орыг хүүхдийн томуу, томуу төст өвчний тусламж, үйлчилгээнд зориулж байна.

Эруул мэндийг дэмжих чиглэлээр авч хэрэгжүүлэх үйл ажиллагаа, арга хэмжээний хэрэгжилтийг хангаж, бүх талын дэмжлэг үзүүлж ажиллахыг Засгийн газрын гишууд, аймаг, нийслэлийн Засаг дарга нарт үүрэг болголоо. 

Эрүүл мэндийг дэмжих чиглэлээрх үйл ажиллагаа, арга хэмжээг улсын хэмжээнд нэгдсэн удирдлагаар ханган ажиллах, холбогдох санхүүжилтийг 2027 оны улсын төсвийн төсөлд тусган шийдвэрлэх, салбар дундын уялдааг хангаж ажиллахыг холбогдох сайд нарт үүрэг болголоо. 

Сангийн яамны мэдээлснээр, 2026 оны төсөвт эмч нарын цалинг 15 хувиар нэмэхэд 181 тэрбум төгрөг шаардлагатай аж.

Хуралдаанаар эрүүл мэндийн салбарынхны гүйцэтгэлийн санхүүжилтийг зогсоож үндсэн цалинг нэмэгдүүлэх, эрүүл мэндийн даатгалын сангаас ажилчдын цалинг тавихгүй байх зохицуулалт хийх саналуудыг байнгын хорооны гишүүд дэвшүүлж байв.

УИХ-ын гишүүн Т.Мөнхсайхан хэлэхдээ, бид зардлын зүйл ангиар санхүүждэг байсан тогтолцооноос гүйцэтгэлийн санхүүжилт рүү шилжсэн. Энэ тогтолцоо олон давуу талыг бий болгосон. Асуудлын гол нь эрүүл мэндийн салбарт зарцуулж байгаа санхүүжилт хаанаа ч хүрэхгүй байна.

Эрүүл мэндийн даатгалын сангийн доголдол 2022 оноос эхлэлтэй. Тухайн онд Засгийн газраас эмч, эмнэлгийн ажилтны цалинг 30 хувиар нэмэх шийдвэр гаргасан ч даатгалын санд төвлөрөх 30 хувийг нэмээгүй. Үүний улмаас эмнэлгүүд эм ханган нийлүүлэх байгууллагууддаа өртэй болж, ажилчдын цалинг нэмсэн ч сангийн санхүүжилт дутагдаж өнөөдрийн нөхцөлд хүрсэн. 

2026 онд эмч, эмнэлгийн ажилтны цалинг 15 хувь нэмэгдүүлнэ гэж байна. Энэ бол асуудлын бодит шийдэл биш. Тийм учраас 2027 оны төсөвт хэр хэмжээгээр нэмэх вэ гэдэг тооцоо, судалгааг сайн хийх хэрэгтэй. Ирэх оны төсөвт нэмэх 15 хувийн нэмэгдлээ даатгалын сандаа бодит тоогоор нь нэмэгдүүлээрэй. Тэгэхгүй бол энэ салбарын ажилчдын цалин өнөөдрийн байгаагаасаа бүр дордоно гэв.

-Монголын хувийн хэвшлийн эрүүл мэндийн байгууллагын нэгдсэн холбоо байгуулагдаад 32 дахь жилдээ үйл ажиллагаа явуулж байна. Өнөөдрийн байдлаар холбоонд 300 гаруй хувийн хэвшлийн эмнэлгийн салбар нэгдсэн. Улсын хэмжээнд 1700 гаруй эрүүл мэнд, хувийн хэвшлийн байгууллага үйл ажиллагаа явуулдаг. Үүнээс 235 нь ор бүхий эмнэлэг, 1466 нь амбулаторийн тусламж үйлчилгээ үзүүлдэг. Монгол Улсын хэмжээнд үйл ажиллагаа явуулж буй хувийн хэвшлийн эмнэлэгт 18,700 эмч, эмнэлгийн ажилчид ажиллаж байна. Энэ нь нийт эрүүл мэндийн салбарын ажилчдын 25.5 хувийг эзэлдэг.

Мөн 2022-2025 онуудад ЭМДС-аас улсын эмнэлэг 90 хувийн санхүүжилт авсан байдаг. Харин хувийн хэвшлийн эмнэлэг ЭМДС-аас 13 хувийн санхүүжилтийг авсан. Харин үлдсэн хувийг гадуурх сувиллын газрууд авч буй. Үүнээс харахад ЭМДС харилцан адилгүй санхүүжилт олгож, татвар төлөгчдийн мөнгийг үр дүнгүй зарцуулж байна. Танил тал болон харилцан тохиролцож санхүүжилт авсны улмаас даатгалын санг хоосруулж, хэдэн тэрбум төгрөгийн өр үүсгэж, өрийг барагдуулж, санхүүжилтийг хассан байсан. Нөгөөтэйгүүр ЭМДС-ын зарцуулалтыг ил тод болгох хэрэгтэй. ЭМД-ын Үндэсний зөвлөл бол өртгийн жин болон суурь тарифыг тогтоодог газар, ЭМДЕГ бол сонгон шалгаруулалтад тэнцсэн эмнэлгүүдэд ЭМДС-г хуваарилалт хийдэг газар юм. Гэтэл тусламж үйлчилгээний үнэ төлбөрийг өсгөх замаар нөлөө бүхий байгууллагуудад ялгавартай санхүүжүүлсэн.

Хэрэв үнэхээр хувийн эмнэлгүүд даатгалын мөнгийг хоосруулж байгаа гэвэл тухайн байгууллагыг зарлах хэрэгтэй. Томоохон хувийн эмнэлгүүд ЭМДС-аас олгож буй 13 хувьд дээгүүр жагсах байх гэж бодож байтал үгүй байсан. Үүгээрээ хувийн хэвшлийн эмнэлгүүд ЭМДС-г хоослохгүй байгаа гэдгийг баталж байна. Хувийн эмнэлгүүдтэй 2025 оны аравдугаар сарын 1-ний өдөр хүртэл гэрээ хэлэлцээр хийсэн байж санхүүжилтийг өгөхгүй. Мөн гэрээ байгуулсан эмнэлгүүдтэй нэмэлт гэрээг дахин байгуулсан байдаг. Нэмэлт гэрээгээр ирэх арванхоёр дугаар сарын 15-ны өдрийг хүртэл нэмэлт санхүүжилт олгоно гэж мэдэгдсэн. Мөн квотоор тогтоосон санхүүжилтийг 12 сардаа хувааж гэрээ хэлэлцээр дээр тусгаж өгнө гэж мэдэгдсэн. Гэтэл бага зардлаар хийсэн гэрээг 12 сард хуваалгасан.Гэвч гэрээнд тусгасан санхүүжилтийг олгох өгнө үү. ЭМДС заасан гэрээгээ зөрчиж хувийн хэвшлийн аль ч эмнэлэгт санхүүжилт өгсөнгүй. Тэгэхээр 2025 оны 6, 7, 8, 9 дүгээр сарын гүйцэтгэлийн санхүүжилтийг олгоогүй. Гурван сарын хугацаанд санхүүжилт аваагүй хувийн эмнэлгүүд шинээр тоног төхөөрөмж худалдан авах нөхцөл байдал болон сонгон шалгаруулалтад ороход хүндрэлтэй байдалд хүрсэн. Өнөөдөр хувийн эмнэлгүүд авсан зээлийнхээ дарамтад туйлдаж байна.

Манай улсад жилд дунджаар 3000 гаруй сүрьеэгийн тохиолдол бүртгэгдэж, 150-200 хүн нас барж байна. Тодруулбал, 2022 онд сүрьеэгийн улмаас 202, 2023 онд 200 хүн нас баржээ. Харин өнгөрсөн онд эл өвчнөөр 3002 хүн өвдөж, 169 хүн нас барсан байна. Мөн эл өвчнөөр 2024 онд 156 хүүхэд өвдсөн бөгөөд энэ нь өнгөрсөн жилүүдийнхээс буурсан үзүүлэлт аж. 2022 онд 174, 2023 онд 160 хүүхэд эл өвчнөөр өвдөж байжээ.

Сүрьеэтэй тэмцэх, сэргийлэх, хянах арга хэмжээний төлөвлөгөөг хэрэгжүүлснээр сүрьеэгийн тусламж, үйлчилгээний чанар, хүртээмж, илрүүлэлт, эмчилгээний үр дүн сайжирч, эм, оношлуур, эмнэлгийн хэрэгсэл, тоног төхөөрөмжийн хүрэлцээ нэмэгдэх гэнэ. Мөн, энэ чиглэлээр ажиллах эмч, сувилагч, хүний нөөцийн чадавх сайжирч, урьдчилан сэргийлэх мэдлэг, мэдээлэл нэмэгдэнэ гэж мэргэжилтнүүд үзэж буй. Ташрамд, манай улс 1994 оноос хойш сүрьеэтэй тэмцэх, сэргийлэх үндэсний хөтөлбөр, арга хэмжээний төлөвлөгөөг долоон удаа боловсруулсан гэнэ.